portal.guldu.uz

Ushbu ko‘nikmalarni talabalar “Dorivor o‘simliklar biologiyasi va ekologiyasi” fanidan o‘tkaziladigan amaliy mashg‘ulotlarda va mustaqil ish sifatida berilgan topshiriqlarni bajarish paytlarida egallaydilar. Mashg‘ulot uchun ajratilgan vaqtda talaba mintaqadagi dorivor o‘simliklar ro‘yxatini tuzish, dorivor o‘simiklarni o‘sishi va rivojlanishi hamda unga ta’sir etuvchi omillarni tavsiflashi, keltirilgan jadval va diagrammalardagi ma’lumotlarni tahlil etishi talab qilinadi. Ammo bu jarayon ancha murakkab bo‘lganligi sababli amaliy mashg‘ulot mobayinida talabada to‘liq ko‘nikmalar shakllanmaydi. Shu sababli o‘quv rejasida ajratilgan mustaqil ta’lim soatlaridan foydalanish maqsadga muvofiq bo‘ladi. Har bir mashg‘ulot yakunida darsdan keyin bajarilishi lozim bo‘lgan mustaqil ish topshiriqlari (TMI) keltirilgan bo‘lib, uni bajarilishi talaba tomonidan o‘zlashtirilgan bilim va ko‘nikmalarni mustahkamlanishiga zamin yaratadi.