Fanni o‘qitishdan maqsad – rangtasvir barcha tasviriy san‘at turlarining asosi sifatida kelajakda tasviriy san‘at o‘qituvchisini rangtasvir fani nazariyasi va amaliy ko‘nikmalari bilan qurollantirish, ijodiy qobiliyatini o‘stirish, tasviriy san‘atga mos bilim, ko‘nikma va malakalarni shakllantirish, hamda pedagogik faoliyatga puxta tayyorlashdan iboratdir. Fanning vazifasi – bo‘lajak tasviriy san‘at o‘qituvchilarini badiiy jihatdan tarbiyalash, ularning badiiy didlarini yuksaltirish, tasviriy san‘at asarlari bilan chuqur tanishtirish, ularni nafosat borasidagi fikr va mulohazalarini yuksaltirish, tasviriy san‘at asarlarini ko‘rish va tushunish ko‘nikmalarini hosil qilishdan iborat. Shuningdek, talabalarga, bo‘lajak rassom-pedagoglarga ko‘rib-kuzatib, tahlil qilib to‘g‘ri tasvirlash, atrof-muhitni, borliqni idrok etish,
rang sezish, rangtasvir asarlarini yaratish malakalarini shakllantirishdan iboratdir. Realistik rangtasvir ishlash san‘ati borliqni haqqoniy obrazlarda ifoda etish mahoratini rivojlantirishni o‘z oldiga maqsad qilib qo‘yadi.