portal.guldu.uz

Бу, Евросиёдаги геосиёсий вазиятни тубдан ўзгаришига олиб келган, жаҳон миқёсида авж олаётган чуқур, тектоник силжишлар ҳосиласи бўлди. Марказий Осиёнинг жаҳон сиёсати ва иқтисодиёти мустақил субъекти сифатида тикланиши, ўз навбатида, дунё миқёсида рўй бераётган жараёнларга кучли таъсир кўрсатувчи муҳим омилга айланди. Юзлаб йиллар давомида унутилган, эътибордан четда қолган ўлка бўлиб келган Марказий Осиё жаҳон ҳамжияти томонидан қайта кашф этилди. Дунё бу минатақанинг халқаро иқтисодий, сиёсий муносабатларга, цивилизациялараро алоқаларга қўшилишига катта умид боғлади. Айни вақтда, бошиданоқ, Марказий Осиё дунё миқёсидаги барқарорликка таҳдид солувчи хавф-хатарлар манбаига айланиши мумкинлиги ҳам аён бўлиб қолди. Деярли дарҳол, янги «Катта Уйин» - минтақадан ташқаридаги кучларнинг Марказий Осиёда ўз таъсирини ўрнатиш учун рақобатининг турли вариантлари ва кўринишлари таҳлил қилина бошланди. Бу ерда мустақил давлатларнинг шаклланиши, ҳатто давлатчилик институтлари барқарор бўлган жамиятларни ҳам беқарорлашти-ришга қодир бўлган, мисли кўрилмаган глобал хавфларнинг юзага келиши билан бир вақтда рўй берди.