portal.guldu.uz

Ўзбекистон Республикасининг «Таълим тўғрисида»ги Қонуни ва «Кадрлар тайёрлаш миллий дастури» азалий орзуимизга эришишнинг қонун билан ҳимояланган ҳужжати сифатида тасдиқланди.
Дастур кадрлар тайёрлаш миллий моделини рўёбга чиқарди. У ҳар томонлама камол топган, ижодий ва ижтимоий фаол, ижтимоий-сиёсий ҳаётда мустақил, фуқароларни тарбиялашни назарда тутади.
Дастурдаги узлуксиз таълим кадрлар тайёрлаш тизимининг асоси, миллий моделнинг таркибий қисми бўлиб, унинг фаолият олиб бориши давлат таълим стандартлари (ДТС)да таъминлаган.
Юқоридаги ўзгаришлар Ўзбекистон Республикаси Олий ва ўрта махсус таълим вазирлиги ҳамда Халқ таълими вазирлиги давлат таълим стандартларидаги кўпгина атамалар, тушунчалар ва ибораларга таъсир қилмоқда.
Бугунги кунда амалда қўлланаётган тушунчалар, атамалар ва ибораларнинг аксарияти янгича маъно касб этмоқда. Шу сабабли ҳозирги замон илғор ижтимоий-сиёсий, иқтисодий, маданий-маънавий ҳаётда мавжуд тушунчалар ва атамаларнинг салмоқли ёки уларнинг мазмуни ва моҳияти бугунги кунда бизга нотанишдир.