portal.guldu.uz

Bugungi kunda ta’lim tizimida axborot kommunikatsion texnologiyalaridan,
jumladan Web texnologiyalar va ma’lumotlar bazasini boshqarish
tizimlaridan foydalanish, shuningdek, ma’lumotlarni boshqarishni
avtomatlashtirish muhim vazifalardan hisoblanmoqda. Ushbu o`quv
qo`llanmada ana shu masalalar xususida: mavjud muammolar, ularni bartaraf
etish yo`llari va usullari haqida fikr yuritilgan.
O`quv qo`llanmada Apache+PHP+MySQL birgalikda ishlatiluvchi
zanjir tizimi to`liq yoritilgan bo`lib, ushbu uchlik yordamida Webga
mo`ljallangan ma’lumotlar bazasini yaratish va ulardan foydalanish bo`yicha
ma’lumotlar berilgan. Shuningdek, qo`llanmada terminologik masalalarga
ham e ’tibor qaratilgan va yetarlicha yoritishga harakat qilingan.
O`quv qo`llanma bakalavr va magistratura mutaxassisligi talabalari
uchun mo`ljallangan bo`lib, Web texnologiyalari va Web dasturlash fanlarining
asosiy mazmunini ochib berishga qaratilgan. Qo`llanmada talabalar
mustaqil o`zlashtirishlari uchun topshiriqlar, ularning yechimlari va dasturiy
kodlar berilgan.