portal.guldu.uz

Ishlab chiqarish jarayonlarini tashkil etishda texnologik qurilmalarni qanday maqsadda foydalanilishiga qarab kerak bo‘ladigan materiallar tanlanadi. Materiallar tanlashda mashina yoki jihozlarning qismlari qanday sharoitda ishlashini va ular qanday yuklarga, ya’ni qanday tashqi kuchlarga bardosh berishi kerakligini bilish lozim. Qo‘yilgan kuchlar ta’siridan mashina yoki jihozlarning qismlarida qanday zo‘riqishlar hosil bo‘lishi, bu zo‘riqishlarga qanday tur material bardosh berishi, bu qismlar ko‘ndalang kesimi o‘lchamlarining qanday tanlab olinishi haqidagi masala oldindan hal qilinishi kerak.
Ma’lumki, turli metal va matalmas materiallar tashqi kuchlar ta’siriga turlicha qarshilik ko‘rsatadi. Shuning uchun mashina yoki jihozlarni ishchi qismlarining qo‘yilgan yuklar ta’siriga bardosh berib turishi ularning o‘lchamlariga bog‘liq bo‘lishi bilan birga, qanday turdagi materialdan yasalishiga ham bog‘liqdir.