portal.guldu.uz

O`zbekistonda olib borilayotgan iqtisodiy islohotlarni amalga oshirishda, avvalombor, soliq siyosatini yanada takomillashtirish, soliq turlarini kamaytirish, ularni hisoblash mexanizmini soddalashtirish muhim yo`nalishlaridan hisoblanadi. Soliqlarning iqtisodiy mohiyati davlat bilan yuridik va jismoniy shaxslar o`rtasida vujudga keluvchi ob`ektiv majburiy to`lovlarga asoslangan moliyaviy munosabatlar orqali xarakterlanadi. Bu moliyaviy munosabatlar maxsus ijtimoiy xarakterga ega bo`lib, milliy daromadning bir qismi bo`lgan pul mablag`larini davlat ixtiyoriga safarbar qilishga xizmat qiladi.