portal.guldu.uz

«O’zbek adabiyoti tarixi» fanini eng qadimgi og’zaki adabiyot namunalari hamda diniy-tasavvufiy qarashlarsiz tasavvur etib va o’rganib bo’lmaydi.
Mustaqillikkacha mazkur fan turli mafkuraviy tazyiqlar ta’sirida o’rganilib kelindi. Istiqlol mafkurasi tufayli adabiyotimiz tarixi namunalarini asli qanday bo’lsa shundayligicha sog’lom nuqtai nazar bilan o’rganishga imkon tug’ildi.
Odatda, adabiyot dasturida davrning tarixiga nihoyatda muxtasar to’xtalinadi. Mazkur o’quv-uslubiy majmuada ham har bir adabiy manba davrning ta’siri va badiiylik talabalari doirasida o’rganildi
Adabiyotimiz tarixini o’rganishda islomdan oldingi turkiy adabiyot namunalariga asosiy e’tibor qaratildi. Xususan, moniylik, buddaviylik oqimlari ta’siridagi adabiyot namunalari haqidagi ma’lumotlar tahlili ilk bor majmuaga kiritildi. Shomonlik adabiyoti haqidagi fikr va mulohazalar ham majmuaning o’ziga xosligini ko’rsatuvchi omillardan biridir.