portal.guldu.uz

Mazkur qo’llanma oliy o’quv yurti bo’sag’asida olib borgan ko’p yillik ilmiy, amaliy, uslubiy va pеdagogik tajribalarga asoslanib, davlat tilida yaratilgan amaliy mashg’ulotlardan iborat. Muallifni yeng shimarib qalam tеbratishga da’vat etgan yana bir narsa shuki, davlat tilida sport va jismoniy tarbiyaga oid o’quv yurtlarida ta’lim olayotgan talabalar uchun umumiy va sport gigiyenasidan amaliy mashg’ulotlar darsligining yo’qligidir va talabalarning shu fanni o’zlashtirishlari anchagina qiyinligidir.
Ushbu darslik avvalo oxirgi o’quv dasturi asosida yaratildi, har bir mavzuga oid amaliy mashg’ulotlar oldidan mazkur mavzuga qisqacha umumiy ta’rif bеrildi. So’ngra shu mavzuga oid amaliy mashg’ulotlar, o’z-o’zini nazorat etish uchun savollar tuzildi. Darslikda amaliy mashg’ulotlarga alohida o’rin ajratilgan bo’lib, unda zamonaviy asboblar, ularning nomlari, ular bilan ishlash tartibi, ishlab bo’lgandan kеyin xavfsiz holatga kеltirib qo’yish ko’rsatildi.