portal.guldu.uz

Мазкур мажмуа янги тарих фанининг 1-қисми бўлиб, унда Европа ва Америка халқларининг XVII-асрнинг ўрталари XX-аср бошларидаги сиёсий-иқтисодий, ижтимоий-маънавий тараққиёти ва халқаро майдондаги ўрни батафсил ёритилган. Янги тарихни ўрганишнинг аҳамияти шундаки, бу талабаларда дунё тарихига янгича ёндашувни хосил қилибгина қолмай, ўз навбатида ҳуқуқий-сиёсий дунёқарашнинг ўсишига ва ғоявий иммунитетнинг мустаҳкамланишига хизмат қилади.
Мазкур ўқув-услубий мажмуа университетларнинг тарих факультети талабаларининг Янги тарихдан олиб борадиган мустақил ишлари, семинар машғулоти, оғзаки сўров ва бошқа машғулотларга тайёргарлик кўришда йўл-йўриқлар кўрсатишга мўлжалланган. Унда талабаларга Янги тарихдан муҳим муаммоларни ўрганиш, семинар машғулотлари ва мустақил иш топшириқларига тайёрланишда жуда муҳим баъзи методик кўрсатмалар билан бирга ана шу масалаларни мукаммал ўрганишга ёрдам бердиган адабиётлар, информацион таъминот ҳам кўрсатиб ўтилган. Шунингдек ўқув услубий мажмуа ўрта махсус ўқув юртларида жаҳон тарихининг янги даврини ўрганишда қўшимча адабиёт сифатида хизмат қилади.