portal.guldu.uz

Мазкур ўқув-услубий мажмуада Ғарбий Европа, АҚШ, Осиё ва Африка мамлакатларининг 1918-2007 йиллардаги сиёсий-иқтисодий, ижтимоий-маънавий тараққиёти ва халқаро майдондаги ўрни батафсил ёритилган. “Энг янги тарих” ни ўрганишнинг аҳамияти шундаки, бу талабаларда дунё тарихига янгича ёндашувни хосил қилибгина қолмай, ўз навбатида ҳуқуқий-сиёсий дунёқарашниг ўсишига ва ғоявий иммунитетнинг мустаҳкамланишига хизмат қилади.
Мазкур ўқув-услубий мажмуа университетларнинг тарих факултети талабаларининг “Энг янги тарих” фанидан олиб борадиган мустақил ишлари, семинар машғулоти, оғзаки сўров ва бошқа машғулотларга тайёргарлик кўришда йўл-йўриқлар кўрсатишга мўлжалланган. Унда талабаларга 1918-2007 йиллардаги муҳим муаммоларни ўрганиш, семинар машғулотлари ва мустақил иш топшириқларига тайёрланишда жуда муҳим баъзи методик кўрсатмалар билан бирга ана шу масалаларни мукаммал ўрганишга ёрдам берадиган адабиётлар, информацион таъминот ҳам кўрсатиб ўтилган. Шунингдек, ушбу ўқув-услубий мажмуа Академик лицей, касб-ҳунар коллежлари ва умумтаълим мактабларида жаҳон тарихиниг энг янги даврини ўрганишда қўшимча адабиёт сифатида хизмат қилиши мумкин.