portal.guldu.uz

Буддизм дунёдаги энг йирик динлар ичида қадимийларидан бири ҳисобланиб, милоддан аввалги 6-5 асрларда Ҳиндистонда вужудга келган.
Буддизм бундан 2600 йил аввал Ҳиндистонда диний- фалсафий таълимот сифатида вужудга келиб, унда кўплаб диний манбалар ва диний йўналишлар мавжуд.
Буддизм ҳаётнинг барча соҳалари: диний, маданий, сиёсий ва иқтисодий қатламларига кириб борди.
Айни кунда бу динга эътиқод қилиб келаётган Шарқ мамлакатларидаги буддизм таълимотини ўрганлиш у ердаги сиёсий-иқтисодий, манавий маданиятни тушунишнинг асосий омилларидан бири ҳисобланади. Бу давлатларда ушбу динга эътиқод қилувчилар назарида буддизмнинг қоида ва анъаналари марказий ҳукумат қонунларидан кўра устунроқдир, табиийки, бунинг замирида унинг потециал кучи ётади.
Бинобарин буддизм- нажот динидир. Бу диннинг пайдо бўлишига Ҳиндистон жамияти ҳаётидаги Сиддхартха яшаган давр уруғ қабилачилик муносабатлари емирилаётган ва дастлабки давлатлар вужудга келаётган давр еди.
Бундан ташқари, Ҳиндистонда кастачилик тартиби ниҳоятда кучли эди. Жамиятда содир бўлаётган ўзгаришлар Ҳиндистон аҳолисининг паст табақалари аҳволини янада ёмонлаштириб юборди. Одамлар энг муқаддас деб ҳисоблаган қадриятлар кўз ўнгларида йўқола бошлаган.
Одамлар бу ҳолатни кишилик жамияти инқирози, деб ҳисоблаганлар. Ана шундай шароитда улар нажотга муҳтожлик сезганлар. Бу муҳтожликнинг акс-садоси сифатида буддавийлик дини- нажот дини вужудга келган.