portal.guldu.uz

“Kadrlar tayyorlash milliy dasturi”ning ta’limning integrallashuvi talaba-yoshlarning ongini dunyoviy bilimlar bilan boyitishga, ularda tabiiy fanlarning turli sohalariga bo’lgan qiziqishini orttirishga qaratilgan. Xalq xo’jaligining hamma sohalari uchun zamon talablariga javob beradigan kimyogarlarni tayyorlash kimyo fanining dolzarb vazifalaridan biridir. Oliy o’quv muassasalaridan kimyo sohasidagi nazariy va amaliy bilimlarni puxta biladigan va ulardan amaliyotda foydalana oladigan kadrlarni tayyorlash talab etiladi. Bunday kadrlarni tayyorlashda oliy ta’lim muassasalarida o’qitiladigan organik kimyo fanining ahamiyati kattadir. Organik kimyoni o’qitish talabalarni faqat qator reaktsiyalar bilan tanishtirishdan iborat bo’lmasdan balki, ularni mantiqiy fikrlashga va uni amaliyotga tadbiq etishni bilishga o’rgatishdan iboratdir.