portal.guldu.uz

Дунё мамлакатлари бўйича атроф муҳитнинг нефть ва нефть маҳсулотлари билан ифлосланиш масштаби йил сайин кенгайиб бормоқда. Мазкур ифлосланиш йилига 4550 млн. тоннани ташкил этади (Иванов В.П., Сокольский Н.Ф., 2000, Сопрунова О.Б. 2005), ифлосланишнинг 49 % тупроқларга, 15 % сув ҳавзаларига, 35 % атмосферага тўғри келади (Панов Г.Е., Петряшин Л.Ф.. Лысяный Г.Н., 1986). Мамлакатимизда нефть билан ифлосланиш асосан локал майдонларда, яъни нефть конлари, уларнинг узатиш қувурлари атрофи, нефть саноати тизими, нефть сақлаш омборлари атрофидаги тупроқларда учрайди. Маълумотларга кўра (Абдуллаев Б.Д., Жўраев М.Т., Е.Г.Хрусталева, Зикриллаев Х.Х., 2001) Республикамизда йилига нефть қазиб олиш жараёнида 20006000 тонна, нефть сақлаш объектларида 600016000 тонна, қайта ишлаш жараёнларида эса 8000120000 тонна нефть хомашёлари атроф муҳитни, жумладан, тупроқ ва сув муҳитларини ифлосламоқда. Бу эса ўз навбатида тупроқларнинг озуқа, ҳаво, сув режимлари ҳамда агрокимёвий, агрофизикавий ва биологик хоссаларини ўзгаришига таъсир этиб, тупроқ унумдорлигининг пасайишига олиб келмоқда. Вужудга келаётган ифлосланишлар Республикамизнинг 5 та нефть-газ региони бўйича турли тупроқ типлари ҳудудларида учраб, ҳар бир тупроқ турининг ифлосланиши натижасида ўзгаришини ўрганиш, тупроқ-иқлим шароитига мос тозалаш усулини танлаш ва рекультивация технологиясининг илмий асосини ишлаб чиқиш долзарб ҳисобланади.