portal.guldu.uz

Bugungi kunda mamlakatimizda olib borilayotgan islohotlar barcha sohada bo’lgani kabi qishloq xo’jaligida ham jadal rivojlanib bormoqda. Qishloq xo‘jaligi mahsulotlari, shu jumladan, meva-sabzavot mahsulotlarini qayta ishlashni yo‘lga qo‘yish orqali ishlab chiqaruvchi (fermer xo‘jaligi) uchun qo‘shimcha barqaror daromad manbai yaratiladi. Mahsulotni qayta ishlash orqali unga qo‘shimcha qiymat qo‘shiladi, ya’ni mahsulotning qiymati ortib boradi. “O’zbekiston - 2030” strategiyasining 54-maqsadida Qishloq xo‘jaligida hosildorlik va rentabellik darajasini keskin oshirish va buning natijasida qishloq xo’jaligi qayta ishlash tarmog’i ya’ni Qishloq xo‘jaligi mahsulotlarini qayta ishlash ko‘rsatkichining 25 foizdan yuqori bo‘lishini ta’minlash yo’nalishi alohida e’tirof etilgan. Qishloq xo‘jaligi mahsulotlarini yetishtirish miqdori ortib borgan sari ularni saqlash va qayta ishlash ham to‘g‘ri yo‘lga qo’yilishi kerak, buning uchun yangi zamonaviy omborxonalar va qayta ishlash korxonalari bunyod etilishi, ularda fan-texnika yutuqlari va ilg’or texnologiyalarni tatbiq etish, xorijiy tajriba- yutuqlarni o’rganib, ishlab chiqarishga keng joriy etilishi maqsadga muvofiq bo’ladi.