portal.guldu.uz

Мазкур дастурда биринчи босқич талабаларининг университет ва унинг фаолияти ҳамда 4 йиллик таҳсил олиш давомида ўқиш жараёнларини ташкил этилиш ҳолати билан таништириш режалари ўрин олган. Дастурда ўқитувчи ўқув семестри бошида ўз фани бўйича талабаларга умумий тушунча бериши, унда ушбу фан нима ҳақидалиги, талабалар фанни ўрганиш натижасида амалиётда нималар қила олиши ҳақида батафсил тушунчалар бериш бўйича режалар киритилган. Талабаларнинг фанни ўзлаштириш кўрсаткичларини кредит модул тизими асосида баҳолаш бўйича тушинчалар бериши қайд этилган. Шунингдек, дастурнинг энг муҳим жиҳати талабаларга кредит модул тўғрисида маълумотлар берилиши бўйича алоҳида маълумотлар берилиши қайд этилган. Бунда ҳар бир талаба бакалавр ёки магистратура дастурлари бўйича каталоглар (китобчалар) ишлаб чиқиб, ўқиш давомида қайси фанларни ўрганиши мумкинлиги, ушбу фанларни кимлар ўқитиши, дастур давомида қандай билим, кўникма ва маҳоратларга эга бўлиши бўйича маълумотлар берилиши кўрсатилган. Ўқув-услубий қўлланма ва дастур мавжуд адабиётлар, интернет
маълумотлари ҳамда хорижий олий таълим муассасаларида тўпланган тажрибалар ва университетдаги фаолият натижалари асосида тайёрланган. Дастурдан университетнинг биринчи босқичи талабаларига кириш машғулотларини ўтувчилар, фан ўқитувчилари ва умуман кредит-модул тизимида машғулотлар олиб борувчи профессор-ўқитувчилар фойдаланишлари мумкин.