portal.guldu.uz

Mamlakatimizning milliy istiqlolga erishuvi bois «Kadrlar tayyorlash milliy dasturi» va «Ta’lim to‘g‘risida»gi qonunning qabul qilinishi mamlakatda amalga oshirilayotgan demokratik va iqtisodiy o‘zgarishlarni hisobga olgan holda kadrlar tayyorlash tizimini keng ko‘lamda isloh qilishning ibtidosi bo‘ldi. Bozor iqtisodiyoti sharoitida aholining yuqori sifatli, xavfsiz oziq-ovqat mahsulotlariga bo‘lgan talabini qondirish eng muhim muammolardan biri sanaladi. Respublikamizda so‘nggi yillarda qabul qilingan «Iste’molchilarning huquqlarini himoya qilish to‘g‘risida»gi, «Oziq-ovqat mahsulotlarining sifati va xavfsizligi to‘g‘risida»gi Qonunlari, chorvachilikni, sohibkorlikni va bog‘dorchilikni rivojlantirish borasidagi qator qarorlar va farmonlar buning yaqqol namunasidir. Tabiiyki, qishloq xo‘jalik xom ashyolari yetishtirish va oziq-ovqat mahsulotlari ishlab chiqarish sohasidagi o‘zgarishlar iste’molchilarga servis xizmati ko‘rsatishning ham yangi-yangi turlarini shakllantirishni talab qiladi.