Fanni o’qitishdan maqsad – bo’lajak boshlang’ich sinflar o’qituvchilariga tilimizning sistemaviy-strukturaviy xususiyatlarini ochib berish, shu asosda uning fonetik,lug’aviy-grammatik, uslubiy boyliklari, beqiyos ifoda-tasvir va ta’sir vositalariga ega xazina ekanligini ko’rsatib berish, shunga ko’ra uni har tomonlama chuqur bilish, o’zlashtirish zarurligini ilmiy, amaliy dalillash, talabalarda og’zaki va yozma nutq savodxonligini o’stirish, takomillashtirish (bunda lotin yozuviga asoslangan imloni ham o’zlashtira borish) bo’yicha malaka hosil qilishdir.
Fanning vazifasi - hozirgi o’zbek adabiy tilining barcha bo’limlari: fonetik xususiyatlari, talaffuz me’yorlari, lug’at (leksik) boyligi, imlo qoidalari va grammatik qurilishi, uslubiyati yuzasidan nazariy bilim berish va ularni amaliyotda aniqlash va qo’llashga o’rgatish. Bunda o’zbek tiliga davlat tili maqomi berilishining ahamiyatini,“Ta’lim to’g’risida” gi qonun materiallariga va DTS talablariga tayanish va javob berish bilan bog’liq bo’lgan mazmuniy o’zgartishlarni yetkazishga e’tibor berish.