portal.guldu.uz

Amaldagi 5410500 - Qishloq xo’jalik mahsulotlarini saqlash va dastlabki ishlash texnologiyasi bakalavriat ta’lim yo’nalishi davlat ta’lim standarti (2018) hamda «Botanika va o’simliklar fiziologiyasi» fanning o’quv dasturiga (2018) muvofiq talabalar “Botanika va o’simliklar fiziologiyasi” kursi bo’yicha o’simlik tanasida boradigan fiziologik jarayonlar bilan tanishish, o’simlik hujayrasi tuzilishi va faoliyatini bilish, o’simliklarda boradigan fiziologik jarayonlar suv rejimi, mineral oziqlanish, fotosintez va nafas olish jarayonlari, o’simliklarning o’sish va rivojlanishi hamda turli tashqi muhit omillariga chidamliligi to’g’risida tegishli bilimga ega bo’lishlari talab qilinadi.
O’simliklar fiziologiyasi kursining maqsadi talabalarga yashil o’simliklardagi asosiy fiziologik jarayonlarning tabiati haqida hozirgi zamon ta’limotini berishdir. Xususan fiziologik jarayonlarni boshqarish va organizmni tashqi muhit bilan munosabatlari asosiy qonuniyatlarining mexanizmlarini ochishdan iborat.