portal.guldu.uz

Ўқув фани ўқитилиши бўйича услубий кўрсатмалар
“Физика” фани талабаларни асосий физик ҳодисалар, уларнинг механизмлари, қонуниятлари ва амалий қўлланишлари билан таништиришдир. Умумий физика фанининг асосий вазифаси талабаларда илмий-амалий дунёқарашни, яъни физикавий ҳодисаларнинг табиатини тўғри тасаввур қилиш, табиий фанлар соҳасида қўйилган ҳар бир аниқ вазифалар мазмунини умумий физика қонунлари билан боғлаш, асосий физикавий ўлчов асбоб-ускуналаридан фойдалана билиш, физика фанининг ривожида ўзбек алломаларининг қўшган ҳиссаларидан ғурурланишни шакллантиришдир. Физикавий билимлар асослари, физикавий қонуниятлар ҳақида тасаввурга эга бўлиш вазифаларини бажаради.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:
- асосий физика қонунлари ва уларнинг формулаларини, асосий физик жараёнларнинг маъноси, мазмуни, ҳаракат қонуниятлари ва уларнинг графикларини таҳлил қилиш, физик катталикларнинг маъносини, бирликларини ва уларни таққослашни, асосий физик қонун ва принципларни механик ҳодисаларга қўллай билиш, физик тажрибалар, намойишлар ва ҳодисаларни физик қонун ва принциплари асосида тавсифлаш, физикада қўлланиладиган физик қонунлар, принциплар, идеаллаштирилган моделлар ва схемаларнинг қўлланилиш чегараси тўғрисида тасаввурга эга бўлиши;
- умумий талаб даражасидаги масалаларни ечиш ва таҳлил қилиш, физикавий масала ва тажриба натижаларини ҳар хил ўлчов системаларида ҳисоблашда математик ҳисоблаш усулларини қўллай билиш уқувига, физик қонун ва формулаларни ностандарт масалаларга тадбиқ этишни билиши ва улардан фойдалана олиши;