portal.guldu.uz

Xalqaro terminologiyada ritorika nomi bilan yuritiluvchi notiqlik san’atini egallashni ahd qilganlarga dasturulamal bo’la oladigan bir kitob yaratildi. Muallifi buxorolik qadrdonimiz Ilhomjon Qahhorov. O’rganuvchilarga 170 maslahat berib, ularni notiqlik saroyiga olib kiradi. Voizlikning nafosati, nazokati va fasohati bilan sizni oshno qilishni niyat qilgan. Bu kitob shu paytgacha yaratilgan qo’llanmalardan tamomila farq qiladi. Unda o’zgacha bayon va tavsif uslubi qo’llanilgan. Notiqlik xosiyati, nutq tabiati, mantiq mohiyati va notiq ruhiyatiga doir mulohazalar o’ziga xos tarzda atroflicha yoritilgani bilan ahamiyatlidir.