portal.guldu.uz

Boshlang’ich maktab matematikasi kursidayoq oʻquvchilarni masala yechishga oʻrgatiladi. Oʻrta maktab kursida esa bu muammoni yechishga koʻproq e’tibor beriladi. Ayniqsa geometriya kursida masalalar yechish asosiy vazifa hisoblanadi. Tabiat hodisalarini oʻrganishda masala tuziladi. Masala bu tabiiy hodisalarning katta yoki kichik matematik modelidir. Matematik modellashtirish xozirgi zamonda global masalalarni yechishda keng qoʻllanilmoqda. Matematik masalalar bu kichik matematik model deb talqin qilinsa boʻladi. Oʻquvchi masala echganda nafaqat shu fan doirasidagi bilimi, balki boshqa fanlardan olgan bilimlarining ham ahamiyati katta. Chunki masala oʻz mohiyatiga koʻra algebraik, geometrik, fizik, mexanik, ximik, iqtisod va hakazo tushunchalar bilan bog’liq boʻladi.